Məxfilik siyasəti

Bu siyasət Sağlam Addım mərkəzinin saytına aiddir və saytda hansı məlumatların, hansı məqsədlə işləndiyini izah edir. Mərkəzin ünvanı: Bakı, Yasamal rayonu, Abbas Mirzə Şərifzadə küçəsi 393 (Araz marketin yanı, 2 saylı tibb kollecinin qarşısı).

Saytdakı müraciət formasında bunları yaza bilərsiniz: ad və soyad, telefon nömrəsi, uşağın yaşı (istəyə görə), mövzu və qısa mesaj. Formada diaqnoz və ya sənəd tələb olunmur.

Bu məlumatlar saytın serverində saxlanılmır. «WhatsApp-da göndərin» düyməsi mesajı cihazınızda hazırlayır və WhatsApp-ı açır; mesajı göndərib-göndərməmək sizin qərarınızdır. Brauzerinizdə JavaScript söndürülübsə, forma məlumatları yalnız WhatsApp keçidini yaratmaq üçün serverdən keçir və saxlanılmır.

Saytın yerləşdiyi server, bütün veb serverlər kimi, texniki jurnallar (IP ünvanı, sorğunun vaxtı və açılan səhifə) apara bilər. Bu jurnallar saytın təhlükəsiz işləməsi üçündür.

Göndərdiyiniz məlumat yalnız qəbula yazılış və sizinlə əlaqə saxlamaq üçün istifadə olunur.

WhatsApp vasitəsilə göndərdiyiniz mesaj mərkəzin WhatsApp hesabında qalır və qeydiyyat, əlaqə üçün lazım olan müddətdə saxlanılır. Yazışmanın silinməsini istəyirsinizsə, mərkəzə bildirin.

Sağlam Addım bu məlumatları üçüncü tərəflərə ötürmür. WhatsApp mesajları WhatsApp xidmətinin öz qaydaları ilə ötürülür.

Saytda üçüncü tərəflərə aid bu xidmətlər var:

• Google Xəritə — Əlaqə səhifəsindəki xəritə yalnız «Xarici media»ya icazə verdikdə və ya «Xəritəni göstər» düyməsini basdıqda yüklənir və Google-un çərəzlərini yaza bilər.
• YouTube — video pleyeri yalnız oynatma düyməsini basdıqda, youtube-nocookie.com ünvanından yüklənir.
• Video örtük şəkilləri — videoların orijinal örtük şəkilləri YouTube-un şəkil serverindən (i.ytimg.com) göstərilir. Bu sorğu çərəz yazmır, lakin brauzeriniz həmin serverə IP ünvanınızı ötürür.

Şriftlər saytın öz serverindən yüklənir; saytda analitika, reklam və izləmə xidmətləri yoxdur.

Sayt yalnız zəruri yaddaşdan istifadə edir:

• Çərəz seçiminiz — brauzerin yaddaşında («ld-consent») və birinci tərəf «ld_consent» çərəzində bir il saxlanılır.
• Əlçatanlıq ayarları — əlçatanlıq menyusunda seçdiyiniz ayarlar (mətn ölçüsü, kontrast və s.) brauzerin yaddaşında («ld-a11y») saxlanılır.

Bu məlumat yalnız sizin brauzerinizdə qalır. Seçiminizi saytın aşağı hissəsindəki «Çərəz ayarları» keçidi ilə istənilən vaxt dəyişə bilərsiniz; brauzer ayarlarından yaddaşı və çərəzləri silmək də olar.

Bu saytda pasiyentlərin fotoşəkilləri dərc olunmur. Klinik müşahidələr adsız verilir: yalnız yaş, vəziyyət və müalicə gedişi.

Mərkəzə göndərdiyiniz məlumatlar barədə soruşmaq, onların düzəldilməsini və ya silinməsini istəmək üçün mərkəzə zəng edin və ya WhatsApp-da yazın.

Sağlam Addım — Bakı, Yasamal rayonu, Abbas Mirzə Şərifzadə küçəsi 393 (Araz marketin yanı, 2 saylı tibb kollecinin qarşısı)