Uşaq ayaqqabısı seçərkən 10 qayda

1. Material. Üst və iç hissə dəri və ya nəfəs alan materialdan olsun. Uşaqlar çox hərəkət edir, süni materialda ayaq çox tərləyir.
2. Bərk arxa hissə. Ayaqqabının arxası bağlı və bərk olsun, dabanı yaxşı tutsun.
3. Elastik altlıq. Altlıq möhkəm olsun, amma ön hissədən asanlıqla əyilsin.
4. Geniş burun. Burun yumru və kifayət qədər geniş olsun ki, barmaqları sıxmasın.
5. Barmaqların önündə boşluq. Ən uzun barmaqla ayaqqabının ucu arasında təxminən 1–1,5 sm qalsın.
6. Düzgün ölçü. Ayaqqabı ayağı sıxmasın, çox böyük də olmasın. Uşaq ayaqqabını geyinəndə arxadan çəçələ barmağınızın ucu sığmalıdır.
7. Alçaq daban. Dabanın hündürlüyü kiçik olsun (təxminən 0,5–1 sm). Hündür daban yerişin biomexanikasını dəyişir.
8. Axşam alın. Gün ərzində ayaq bir qədər böyüyür, axşam alınan ayaqqabının ölçüsü daha dəqiq olur.
9. Gəzdirib yoxlayın. Yeni ayaqqabını geyindirib uşağı bir neçə dəqiqə gəzdirin, sonra çıxarıb ayaqda qızartı və sürtülmə izi olub-olmadığına baxın.
10. Rahatlıq. Uşaq ayaqqabının narahat olduğunu deyirsə, israr etməyin.

Yumşaq altlıqlı ayaqqabılar (ked, şap-şap) uzun gəzinti üçün uyğun seçim deyil.

İçlik: sağlam uşağın ayaqqabısına hazır supinator lazım deyil. İçlik ehtiyacı yalnız müayinədən sonra müəyyənləşir.